Die skrywer Joseph O’Neill se roman, Netherland, is aangewys as die beste boek van 2008 deur die Amerikaanse tydskrif The Week.

Die tydskrif het ‘n lys van die agt beste boeke van 2008 saamgestel op grond van keuses deur die daaglikse nasionale koerante, die Daily Mail, Spectator, New Statesman en die Times Literary Supplement. Netherland het bo geïndig met 13 stemme.

Die hoofkarakter in Netherland is die Nederlands-gebore Hans van den Broek wat saam met sy gesin in New York gebly het toe die 9/11-aanvalle plaasgevind het. Daarna verlaat sy vrou hom en neem hul seun na Londen. Alleen in New York ontdek Hans dat krieket deur immigrante in die agterbuurte gespeel word. Hy bevriend ‘n Trinidadese entrepreneur en rampokker wat daarvan droom om New York se eerste krieketstadion te open.

J.G. Ballard se outobiografie, Miracles of life, het die tweede plek behaal met 11 stemme. Die derde plek is gedeel deur The believers van Zoë Heller en The rest is noise van Alex Ross met 10 stemme elk. The age of wonder van Richard Holmes het die vyfde plek behaal met 9 stemme. The secret scripture van Sebastian Barry, Cold cream van Ferdinand Mount en die digbundel The lost leader van Mick Imlah het elk 8 stemme gekry en deel die sesde plek.

Intussen het New York Magazine ook aangekondig dat Netherland tesame met Richard Price se Lush life, die “New New York Novel” verteenwoordig. Volgens dié tydskrif is die nuwe New York roman nie vol sedepreke of nostalgie nie en gebruik dit nie die stad as ‘n grootse metafoor vir ‘n bepaalde sosiale agenda nie. Dit vier eerder die vreemdheid van die tye waarin ons leef.
- Carolyn Meads

Skrywer Tom Lanoye en kunstenaar Jan Vermeiren by die bekendstelling van Tom se verhaalbundel ‘n Slagterseun met ‘n brilletjie in Afrikaans vertaal deur Daniel Hugo, Huis der Nederlanden 29 November 2008.

Daar is ook nog kans om vir twee persone as geskenk in te teken op die Boeke-Insig-tydskrif vir net R300! Lidmaatskap is gewoonlik R200 per persoon, so dit is ‘n besparing van R100. Die lidmaatskap is vir ‘n jaar en sluit al die gewone voordele in, asook ‘n geskenkboks met ‘n bottel wyn van SONOP wynkelder, en die boek ’n Wonderlike Geweld deur Elsa Joubert. Stuur ‘n e-pos aan raiel.leroux@newmediapub.co.za vir meer inligting.

Boeke-Insig nooi ook alle lesers en gaste om vir ons ’n brief (kort of lank) te skryf oor jou ondervinding van die Boektafel en/of oor die tydskrif self. Die beste brief sal ’n R500 geskenkbewys met komplimente van Kalahari.net ontvang. Stuur asb. alle briewe na raiel.leroux@newmediapub.co.za vóór 10 November. Die wenner vir die beste brief sal in die Somer 2009-uitgawe op die Brieweblad aangekondig word.

Kaartjies kos R150 per persoon vir lede en R250 per persoon
vir nie-lede. Die etes is op Vrydag 10 Oktober in Kaapstad by D’Aria (12:00-15:00) en op Saterdag, 18 Oktober, in Pretoria (12:00-15:00, venue sal aangekondig word).

Kontak vir Raiël le Roux by 021 417 1126 of boekeinsig@insig.com. om vandag nog jou plek te bespreek.

Christchurch se biblioteek- en inligtingbestuurder, Carolyn Robertson, sê die Afrikaanse versameling sal aanvanklik bestaan uit 250 boeke wat fiksie, nie-fiksie en kinderverhale sal insluit.

“Ons is aanvanklik vier jaar gelede genader met ’n versoek om boeke in Afrikaans aan te hou”, het Me. Robertson gesê. “Gedurende dié tyd het ons gevoel dat die biblioteek nie finansieel so ’n versameling kon ondersteun nie, maar met die aansienlike toename in Afrikaanssprekendes en ondersteuning van die Afrikaanse gemeenskap kan ons nou aan die versoek voldoen.”

Die versameling sal te vinde wees in die “World Languages”-afdeling van die biblioteek.

Kaartjies kos R150 per persoon vir lede en R250 per persoon vir nie-lede.

Die etes is op:

* Saterdag 19 Julie in Bellville (12:00-15:00, Zibaldone Restaurant) met Piet Grobler, Jeanine Henning, Niki Daly en Philip de Vos.
* Saterdag 26 Julie in Pretoria (12:00-15:00, Eat@Essence Restaurant) met Piet Grobler, Jeanine Henning en Diek Grobler.

• Lees meer

Klik hier vir die videogreep.

Die Boeke-Insig webtuise spog ook met ‘n splinternuwe blog deur lede van die Boeke-Insig-span, kom lees wat Francois Smith te sê het oor hartjies voor skrywers se name.